प्रथम श्रीनगर डेरी ब्याडमिन्टन कपको उपाधी थापा र शारूको टिमलाई

सन्‍तोष गहतराज, आईतवार, ८ माघ, २०७९

पाल्पा-प्रथम श्रीनगर डेरी ब्याडमिन्टन कप प्रतियोगीता सम्पन्न भएको छ । प्रतियोगिता श्रीनगर डेरी मिल्क एण्ड स्विट हाउस तानसेन पाल्पा आयोजना तथा फुलबारी ब्याडमिन्टन कबडहलको समन्वयमा सम्पन्न भएको हो ।
प्रतियोगीतामा प्रहरी नायव उपरीक्षक ( डि एस पि )विरेन्द्र थापा र गंगा शारूको टिम प्रथम भएका छ । द्वितीयमा बल बहादुर राना र थमन गाहा,तृतीयमा डम्बर राना र जन्दीप न्यौपाने त्यस्तै तृतीयमा सुरज थापा र भुपेन्द्र थापाको टिम भएका छन । प्रतियोगीतामा प्रथम टिमले १२ हजार नगद,सिल्ड ,मेडल र प्रमाण पत्र,द्वितीयले ८ हजार र तृतीय दुबै टिमले जनही ४ हजार सिल्ड मेडल र प्रमाणपत्र प्राप्त गरेका छन । विजयी टिमलाई पाल्पा जिल्लाका प्रमुख जिल्ला अधिकारी जगन्नाथ पन्त, नेपाली काङ्ग्रेस पाल्पाका सभापति हिमाल दत्त श्रेष्ठ र श्रीनगर डेरी मिल्कका प्रोपराइटर रोमाकान्त न्यौपानेले पुरस्कार प्रदान गर्नु भएको थियो । खेलमा ३२ टिमको सहभागी रहेको आयोजकले जनाएका छन । खेलमा प्रेणादायीक खेलाडी नरेन्द्र शाक्य,राइजिङ्ग प्लेयर श्री कृष्ण अग्रहरी,वेस्ट प्लेयर पिताम्बर राना, अनुशासित खेलाडी आकाश मल्ल र डावा लामा भएका छन । उत्कृष्ट खेलाडीहरूलाई मेडल र प्रमाणपत्रले सम्मान गरिएको थियो ।

कार्यक्रमका प्रमुख अतिथि प्रमुख जिल्ला अधिकारी जगन्नाथ पन्तले स्थानीय स्तरमा आयोजित यस्ता प्रतियोगितात्मक खेलकुदले खेलाडीको उत्पादन एवम पहिचान गर्न सहयोग पुर्याउने बताउनुभयो । खेलले खेलाडी उत्पादन मात्र नभइ शारीरिक स्वास्थ्य र आपसमा भाइचाराको सम्बन्ध कायम गराउन समेत महत्वपूर्ण भुमिका खेल्ने बताउनुभयो ।
कार्यक्रमका विशिष्ट अतिथि नेपाली काङ्ग्रेस पाल्पाका जिल्ला सभापति हिमाल दत्त श्रेष्ठ, श्रीनगर डेरीका व्यवस्थापक रोमाकान्त न्यौपाने,सशस्त्र प्रहरी बलका डि एस पि उत्तम उध्धव बन,तानसेन वडा न २ का वडा अध्यक्ष महेश्वर श्रेष्ठ,खेल संयोजक कृष्ण अग्रहरी,निर्णायक सर्वेन्द्र मान मलेगो लगाएतले मन्तव्य राख्नु भएको थियो । कार्यक्रम नारायण युवा क्लबका अध्यक्ष किशोर दर्शन बज्राचार्य अध्यक्षतामा र क्लबका सचिव विनायक महर्जनको सञ्चालनमा सम्पन्न भएको थियो ।