बुधबार, ११ जेष्ठ, २०७९

मनाङ सातदोबाटोसँग दुई गोलको जित दर्ता

भैरब खबर डटकम संवाददाता, शनिबार, १ माघ, २०७८

मनाङ सातदोबाटोसँग दुई गोलको जित दर्ता

 काठमाडौं-सहिद स्मारक ए डिभिजन लिग अन्तर्गत शुक्रबारको दोस्रो खेलमा सातदोबाटो युवा क्लबले मनाङ मर्स्याङ्दी क्लबलाई स्तब्ध पारेको छ । पहिलो हाफकै दुई गोलको मदतमा सातदोबाटो २-१ को जित दर्ता गर्न सफल रहयो ।

खेलको ११ औं मिनेटमा सातदोबाटोले मार्टिन्स सिलो नांगाको गोलमा अग्रता लिएको थियो । मनाङको डिफेन्सले क्लियर गर्न नसकेको कर्नरमा मार्टिन्सको हेडर एकराज बुढाथोकीलाई लाग्दै गोलमा परिणत भएको थियो । त्यस्तै पहिलो हाफको ७ मिनेट बाँकी रहँदा सातदोबाटोले अग्रता दोब्बर पार्यो । प्रशान्त अवस्थीको क्रसमा अजायी मार्टिन्सले हेडरमार्फत गोल गर्दै सातदोबाटोको अग्रता दोब्बर पारे ।

५७ औं मिनेटमा मनाङले गोल फर्काएको थियो । आफिज ओलावावलेले कर्नरमा क्लियर हुन नसकेको बललाई गोलमा परिणत गर्दै खेलमा फर्कने संकेत दिएका थिए । तर त्यसपछि पटक पटक सातदोबाटोको डिफेन्स बाधक बन्दा मनाङ सिजनको दोस्रो हार बेहोर्न बाध्य भयो ।

यस नतिजासँगै सातदोबाटो १२ अंकसहित लिग तालिकाको छैटौं स्थानमा उक्लिएको छ । मनाङ भने १९ अंकसहित दोस्रो स्थानमा यथावत छ । शीर्षस्थानको मछिन्द्रले ८ खेलमा २० अंक जोडेको छ । मछिन्द्रले आइतबार ब्रिगेड ब्वाइज क्लबसँग खेल्नेछ ।

यस्तै दिनको पहिलो खेलमा एपिएफले हिमालयन शेर्पा क्लबलाई १-० ले पराजित गरेको थियो । आवास लामिछानेले पहिलो हाफको इन्ज्युरी समयमा गरेको गोल जितका लागि पर्याप्त रहयो । उनले नविन लामाको कर्नरमा गोल गरेका थिए ।

एपिएफ यस जितसँगै १० अंकका साथ नवौं स्थानमा छ । रेलिगेसन क्षेत्रबाट एपिएफ ५ अंकले अघि बढेको छ ।

प्रतिक्रिया
अन्य समाचार
advertisement_1641824830.jpg
advertisement_1643724189.gif
advertisement_1637589959.JPG
advertisement_1650788600.gif
advertisement_1650788642.gif
advertisement_1650788683.gif
advertisement_1650788816.gif
advertisement_1650788891.gif
advertisement_1650788933.gif
advertisement_1650788960.gif
advertisement_1650788493.gif
advertisement_1650788549.gif
advertisement_1650789033.gif