सोमबार, १० माघ, २०७८

advertisement_1619539395.gif

पाल्पाका विभिन्न स्थानहरुमा बाढी र पहिरो, सडक समेत अबरूद्व

भैरब खबर डटकम, आईतवार, १३ भाद्र, २०७८

पाल्पाका विभिन्न स्थानहरुमा बाढी र पहिरो, सडक समेत अबरूद्व

पाल्पा- तिन दिन देखी परेको अविरल बर्षाको कारण सिद्धार्थ राजमार्गको तानसेन बुटवल सडक खण्ड, तानसेन राम्दी सडक, तानसेन रिडी सडक खण्ड, हार्थाेक छहरा तिनगिरे सडक खण्ड, आर्यभञ्ज्याङ्ग रामपुर सडक सडक, कालीगण्डकी करिडोरको राम्दी रामपुर सडक खण्ड, रामपुर पुर्वी नवलपरासी सडक खण्डको ठाउँ ठाउँमा पहिरो खस्दा सडकहरु अवरुद्ध भएका भएका छन । सिदार्थ राजमार्गको तानसेन बुटवल सडक खण्ड गएराती देखी नै पहिरोका कारण अवरुद्ध भएको छ ।

तानसेन बुटवल सडकखण्डको वरतुङ्ग चोक तल, गौडेपुल नजिक, कालीमाटी क्षेत्र, चर्चरे, जोरधार क्षेत्र, हिउदेखोला, केरावारी क्षेत्र, झुम्सा पानीमिल क्षेत्र, झुम्सा सिसुवा, सिद्धवावा क्षेत्रमा पहिरोले सडक अवरुद्ध भएको छ । यसैगरी तानसेन पोखरा सडक खण्डको बगनासकाली गाउँपालिका वडा नंं ३ धैरेनी, वडा नंं ४ खानीछापको सेरा, रम्भा गाउँपालिका वडा नंं ३ सितापहाडमा पहिरो खस्दा गएराती देखी नै सडक अवरुद्ध भएको छ । यसैगरी तानसेन रिडी सडक अन्तरगत तानसेन नगरपालिका वडा नंं ११ सम्मोवारी क्षेत्रमा पहिरो खसेको कारण सडक अवरुद्ध भएको छ ।

कालीगण्डकी करिडोर राम्दी रामपुर क्षेत्रमा रम्भा गाउँपालिका १ हुगी, र रामपुर नगरपालिका १० गेझामा पहिरोले सडक अवरुद्ध भएको छ । हार्थाेक छहरा तिनगिरे सडकखण्डको बतासे क्षेत्रमा पहिरो खस्दा सडक अवरुद्ध भएको छ । सरदमुकाम जोड्ने ग्रामिण क्षेत्रका अधिकाशं सडकहरुमा पहिरो खसी अवरुद्ध भएको पाल्पा प्रहरीले जनाएको छ । बर्षा रोकिएपछी पहिरो क्षेत्रमा डोजर परिचालन गरी बाटो खुलाउने प्रयास भईरहेको डिभिजन सडक कार्यालय पाल्पाका सूचना अधिकारी शिवु खत्रीले बताए । ग्रामिण क्षेत्रमा सम्वन्धित गाउँपालिकाका अध्यक्ष तथा वडा अध्यक्षको समन्वयमा बाटो खुलाउने प्रयास भईरहेको पाल्पा प्रहरीले जनाएको छ ।

विभिन्‍न स्‍थानमा गएका पहिरोहरूको त‍स्विरहरू:-

अन्दाजी १०:३० बजेको समयमा जिल्ला पाल्पा तानसेन न.पा. ८ डुम्रेस्थित सिद्धार्थ लोकमार्गमा अविरल वर्षाको कारण सडक माथिबाट आएको भीषण पहिरोले  देव बहादुर सारुको २ तल्ले पक्की घर सहित पहिरोले बगाउंदा सिद्धार्थ लोकमार्ग पूर्ण रुपमा अवरुद्ध भएको छ।

पाल्पा तानसेन न.पा. ७ बर्तुङ  सम्मोबारी,  बगनासकाली गा.पा. ३ धैरेनी स्थित  पहिरो हटाई बाटो सुचारू भएको जिल्‍ला प्रहरी कार्यालय पाल्‍पाले जनाएको छ।

प्रतिक्रिया
advertisement_1637589959.JPG
advertisement_1618724783.gif
advertisement_1618727213.gif
advertisement_1618732081.gif
advertisement_1618734267.gif
advertisement_1618751039.gif
advertisement_1618758058.gif
advertisement_1618759206.gif
advertisement_1618839023.gif
advertisement_1618763111.gif
advertisement_1636893290.gif
advertisement_1636875471.gif
advertisement_1636875567.gif
advertisement_1636875621.gif
advertisement_1636875655.gif
advertisement_1637035852.gif
advertisement_1637590038.gif