शुक्रबार, १५ मंसिर, २०८०
शुक्रबार, १५ मंसिर, २०८०
सन्तोष गहतराज, सोमबार, ३ आश्विन, २०७९
पाल्पा- जिल्लाको रैनादेबी छहरा गाउँपालिकाको आयोजनामा वडा न ३ का उपभोक्ता समितिका पदाधिकारीहरूलाई केन्द्रित गरि तालिम प्रदान गरिएको छ । गाउँपालिकाले आर्थिक बर्ष २०८९/८० लाई केन्द्रित गरि वडा न ३ भित्रका उपभोक्ता समितिका पदाधिकारीहरूलाई तालिम प्रदान गरेको हो ।
कार्यक्रम वडा न ३ का वडाध्यक्ष प्रदिप पौडेल अध्यक्षता सम्पन्न भएको थियो । कार्यक्रमका प्रमुख अतिथि रैनादेबी छहरा गाउँपालिकाका अध्यक्ष रुक्माङ्गत भट्टराईले तालिमले उपभोक्ता समितिहरूलाई थप प्रशिक्षित बनाउन सहयोग पुर्याएको बताउनुभयो । प्रशिक्षणले उपभोक्ता समितिका काम,कर्तव्य र अधिकारका बारेमा जानकारी प्रदान गर्नुको साथै जिम्मेवारी बनाउन टेवा पुर्याउने बताउनुभयो ।
कार्यक्रमका विशिष्ट अतिथि उपाध्यक्ष युवराज थापाले तालिममा सिकेका कुरालाई व्यवहारिक प्रस्तुत गरि जिम्मेवारी पुर्ण रूपमा कार्य गर्न सहभागीहरूलाई आर्गह गर्नुभएको छ । समितिहरूलाई समयमा काम नसक्दा हुने जटिल्ता,काम गर्दा पूरा गर्नु पर्ने मापदण्ड एवम गुणस्तरका बारेमा प्रशिक्षण प्रदान गरिएकोले सोहि कुरालाई अवलम्बन गरि कार्य गर्नुपर्ने बताउनुभयो ।
कार्यक्रममा पूर्वाधार विकास समिति संयोजक लक्ष्मण हिताङ्ग, वडा सदस्यहरू धन बहादुर रायमाझी, सविता वि.क.,भिमाकला खाम्चा लगाएतले मन्तव्य राख्नु भएको थियो । कार्यक्रममा प्रशिक्षकहरूअमृता पौडेल, कुशल घिमिरे तथा हरि प्रसाद पराजुलीले प्रदान गर्नु भएको थियो ।
