सोमबार, १० माघ, २०७८

advertisement_1619539395.gif

आर्दश आधारभुत विद्यालयको ४ कोठे भवन सिलान्यास

सन्ताेष गहतराज, बिहीबार, ९ मंसिर, २०७८

आर्दश आधारभुत विद्यालयको ४ कोठे भवन सिलान्यास

पाल्पा-जिल्लाको तिनाउ गाउँपालिका वडा न ३,ज्यामिरे स्थित आर्दश आधारभुत विद्यालयमा निर्माण हुन लागेको ४ कोठे विद्यालय भवनको सिलान्यास भएको छ । 


राष्ट्रिय पुनःनिर्माण प्राधिकरणबाट बजेट विनियोजन भै निर्माण कार्य शुरू भएको उक्त भवनको गाउँपालिका अध्यक्ष ओम बहादुर घर्ती मगरले सिलान्यास गर्नुभएको हो । आर्थिक बर्ष २०७७/०७८ मा निर्माण सम्पन्न गर्ने गरि ७२ लाख रूपैयाँ लागतमा ४ कोठे भवन निर्माण सम्झौता भएको विद्यालयका प्रधानाध्यापक नम बहादुर तरामीले बताउनुभयो । 


भवन सिलान्यास कार्यक्रममा गाउँपालिकाका उपाध्यक्ष दमयन्ती थापाले भवन निर्माणले विद्यार्थीहरूलाई सहज रूपमा शैक्षिक ज्ञान हासिल गर्न सहयोग पुग्ने बताउनुभयो । तिनाउ गाउँपालिकाले शैक्षिक क्षेत्रलाई प्राथमिकतामा राखेर अगाडि बढेको बताउनुभयो । शैक्षिक विकास भएमा अन्य विकासका पुर्वाधारको सम्भावना हुने भएकोले गाउँपालिकाले शैक्षिक क्षेत्रलाई मध्ये नजर गरि  भवन निर्माण,विद्यार्थीहरूलाई शैक्षिक सामाग्री वितरण लगाएतका कार्यक्रमहरू सञ्चालन गरेको बताउनुभयो । 

कार्यक्रममा गाउँपालिकाका प्रमुख प्रशासकृय अधिकृत सुन्दर श्रेष्ठले भवन निर्माणले विद्यार्थीहरूलाई सहज अध्ययन गर्न मधत पुग्ने बताउनुभयो । गाउँपालिकाले वदलिदो आधुनिक प्रणाली अनुरूप शैक्षिक गुणस्तर वृद्धि गर्नका लागि नयाँ नया प्रविधियुक्त शैक्षिक प्रणालीको विस्तार गरेको बताउनुभयो । 

कार्यक्रम विद्यालय व्यवस्थापन समितिका अध्यक्ष गुरु प्रसाद शर्मा,सदस्यहरू ओम बहादुर थापा,कृष्ण थापा लगाएतले शुभकामना व्यक्त गर्नुभएको थियो । 
कार्यक्रम गाउँपालिका अध्यक्ष ओम बहादुर घर्ती मगरले तिनाउ गाउँपालिकाले साढे चार वर्षको अवधिमा ६ वटा वडामा ५२ वटा विद्यालय भवन निर्माण भएको बताउनुभयो ।  विद्यालयमा भौतिक पूर्वाधार पूरा गरी गुणस्तरीय शिक्षा प्रदान गर्नको लागि गाउँपालिकाले विद्यालय भवन निर्माणमा जुटेको बताउनुभयो ।
अधिकांश विद्यालयहरुमा भौतिक पूर्वाधार निर्माणका काम भएपछि नयाँनयाँ शैक्षिक विषयवस्तुको पठनपाठन समेत सुरु भएका छन् । साढे चार वर्षको अवधिमा गाउँपालिकामा गुणस्तरीय शिक्षाको लागि पहिलो प्राथमिकता पूर्वाधार निर्माणमा जोड दिएर विभिन्न पक्षको सहयोगमा ५२ वटा नयाँ भवनहरु निर्माण भएको गाउँपालिकाका अध्यक्ष ओमबहादुर घर्तीमगरले बताउनुभयो  । विद्यालय भवन निर्माणसंगै नयाँ नयाँ विषयवस्तुमा पठनपाठन सुरु भएको छ । सरकारी विद्यालयहरुमा पनि आवासीय विद्यालयको अवधारणा सुरु भएको छ । विद्यालयमा टाढाटाढाबाट आउने बालबालिकाहरु आवासीय सुविधासहित पठनपाठन गर्न पाउने पालिकाका अध्यक्ष घर्तीमगरले बताउनुभयाे ।

तिनाउ गाउँपालिकामा भूकम्प पुनर्निर्माण प्राधिकरणको सहयोगबाट चार कक्षा कोठाका ११ वटा भवन, तीन कक्षा कोठाका छ वटा भवन र दुई कक्षा कोठाका ११ वटा गरी २८ वटा विद्यालय भवन निर्माण भएका छन् । यसैगरी शिक्षा तथा मानव स्रोत विकास केन्द्रको आर्थिक सहयोग र गाउँपालिकाको लगानीमा छ कोठे एउटा भवन, चार कोठे चार वटा भवन र दुई कोठे १९ वटा भवन गरी २४ वटा भवन निर्माण भएका छन् । पालिकामा नयाँ ५२ वटा विद्यालय भवन निर्माणसंगै सबैजसो विद्यालयमा शौचालय, खानेपानी, छात्रावासको व्यवस्था, पुस्तकालय, कम्प्युटर ल्याब, भुई बसाइ, बुक कर्नर र सुविधा सम्पन्न फर्निचरहरूको व्यवस्था गरिएको पालिका अध्यक्ष घर्ती मगरले बताउनुभयो । त्यसै मध्ये राष्ट्रिय पुन निर्माण प्राधिकरण केन्द्रको आयोजनामा बजेट विनियोजन भइ आर्दश आधारभुत विधालयको ४ कोठे भवन निर्माणकाे लागि प्राप्त भएको बताउनुभयो । 

प्रतिक्रिया
advertisement_1637589959.JPG
advertisement_1618724783.gif
advertisement_1618727213.gif
advertisement_1618732081.gif
advertisement_1618734267.gif
advertisement_1618751039.gif
advertisement_1618758058.gif
advertisement_1618759206.gif
advertisement_1618839023.gif
advertisement_1618763111.gif
advertisement_1636893290.gif
advertisement_1636875471.gif
advertisement_1636875567.gif
advertisement_1636875621.gif
advertisement_1636875655.gif
advertisement_1637035852.gif
advertisement_1637590038.gif