शुक्रबार, १० चैत्र, २०७९
शुक्रबार, १० चैत्र, २०७९
सन्तोष गहतराज, सोमबार, २३ माघ, २०७९
पाल्पा-जिल्लाको रिब्दीकोट गाउँपालिका स्वास्थ्य शाखाको आयोजनामा आंखा, कान, नाक, घाटी तथा मूख सम्बन्धी पालिका भित्रका सामुदायिक तथा निजि विद्यालयका स्वास्थ्य फोकल शिक्षकहरूलाई एक दिने अभिमुखीकरण कार्यक्रम पालिकाको सभाहलमा सम्पन्न भएको छ ।
कार्यक्रम गाउँपालिकाको गाउपालिका अध्यक्ष नारायण बहादुर कार्कीको अध्यक्षतामा सम्पन्न भएको थियो । कार्यक्रममा गाउँपालिका अध्यक्ष कार्कीले शिक्षक,शिक्षिका समाजका अगुवा रहेकोले स्वास्थ्य सम्बन्धि सचेतना मुलक कार्यक्रमलाई विद्यालयका शिक्षक मार्फत विद्यार्थी र परिवार पुर्याउदा प्रभावकारीता हुने परिस्थितिलाई मध्ये नजर गरि कार्यक्रम आयोजना गरिएको बताउनुभयो । कार्यक्रमले पालिका भित्र गुणस्तरीय स्वास्थ्य सेवा पुयाउन मद्धत पुग्ने अध्यक्ष कार्कीको भनाई छ ।
कार्यक्रममा गाउँपालिका उपाध्यक्ष कान्ता अधिकारी,प्रमुख प्रशासकृय अधिकृत पवन अर्याल,लेखा अधिकृत मन्जु पन्थी, लगाएत पालिका भित्रका सामुदायिक तथा निजि विद्यालयका शिक्षक एवम शिक्षिकाहरूको उपस्थिति रहेको थियो । अभिमुखीकरण कार्यक्रममा पालिका भित्रका शिक्षकहरुलाई विद्यालयका बालबालिकामा आंखा, कान, नाक, घाटी तथा मूख सम्बन्धी समस्याबाट सचेत बनाउने उद्देश्यका साथ कार्यक्रम संचालन गरिएको स्वास्थ्य शाखा संयोजक सुनिल अधिकारीले बताउनु भयो ।
कार्यक्रममा शिक्षकहरु बिच आंखा, कान, नाक, घाटी तथा मूख सम्बन्धी के कस्ता समस्या हुन सक्दछन त भन्ने विषयवस्तुमा छलफल गरिएको थियो । शिक्षक समाजको अगुवा भएकाले आंखा, कान, नाक, घाटी तथा मूख सम्बन्धी समस्याहरूको समयमा समाधान गर्न महत्वपूर्ण भूमिका रहने शिक्षा शाखा प्रमुख मणि खनालले बताउनु भयो । कार्यक्रममा आंखा, कान, नाक, घाटी तथा मूख सम्बन्धी रोग तथा समस्याहरू तथा त्यसको समाधानका उपायका बारेमा जानकारी प्रदान गरिएको थियो ।
